Bonbini riba e website di Bureau Integridad Aruba
Integridad por fortifica of kibra e confiansa den gobierno. Bureau Integriteit Aruba (BIA) ta dedica na promove y salvaguardia integridad den di e aparato gubernamental. BIA ta duna sosten na e departamentonan gubernamental cu conseho, training, informacion, persona di confiansa pa integridad y investigacion. Ademas, BIA ta sirbi como punto di notificacion pa kiebro di integridad.
Nos proyectonan vigente
Akibou tin tin un resumen di e proyectonan vigente di BIA cu ta enfoca riba promove y salvaguardia integridad den gobierno di Aruba.
Codigo di conducta integridad pa trahado di gobierno
Esaki ta un proyecto conhuntamento cu Departamento Recurso Humano (DRH) den cual e producto final lo ta un codigo di conducta pa e trahadornan di gobierno di Aruba.
E codigo di conducta ta ofrece proteccion na e empleado publico, pasobra e ta yuda pa reconoce riesgo y pa duna resistencia contra esakinan.
Fortificacion di Integridad den Servicio Publico
Esaki ta un proyecto piloto unda ta desaroya y implementa 6 instrumento di integridad na 10 departamento di gobierno di Aruba.
E aparato gubernamental ta consisti di mas o menos 87 departamento. E cantidad aki ta mucho grandi pa implementa e seis instrumentonan di integridad den un solo biaha na tur e departamentonan. P’esey a escohe pa cuminsa cu un proyecto piloto den cual dies departamento di gobierno lo participa.
Persona di Confiansa pa Integridad pa gobierno di Aruba
Un Persona di Confiansa pa Integridad pa Pais Aruba ta un punto di contacto confidencial y independiente cu un trahado di gobierno di Pais Aruba por acerca si e tin sospecho di kiebro di integridat na un departamento di gobierno.
