Bonbini
Bonbini riba e pagina informativo tocante di Persona di Confiansa Integridad pa gobierno di Aruba (Vertrouwenspersoon Integriteit Land Aruba). Aki por lesa mas tocante di e rol aki y kico un VPI por nifica pa un empleado di gobierno di Aruba. Ta abrevia Vertrouwenspersoon Integriteit Land Aruba (Persona di Confiansa Integridad) como VPI.
E ROL
Un VPI ta un punto di contacto confidencial y independiente caminda abo como trahado di gobierno di Aruba por acudi ora cu bo tin sospecho di kiebro di integridad den departamento di gobierno. E VPInan a wordo forma door y bou auspicio di BIA pa realisa e tarea aki.
E FUNCIONNAN DI UN VPI
Un VPI ta scucha sin prehuicio na locual bo tin di bisa tocante di sospecho di kiebro di integridad cu bo a wak of experencia na un departamento di gobierno.
Tin biaha ta suficiente pa djis tin un hende pa scucha bo, pero un VPI por yuda tambe door di conseha con pa trece bo sospecho dilanti. Sea na e departamento di gobierno concerni, cerca bo hefe directo of cerca e hefe di departamento – y si esaki no ta posibel – con pa meld esaki na BIA. Un VPI tambe ta discuti e posibel consecuencianan cu por tin door di tuma cierto paso.
INTRODUCCION DI VPI DEN APARATO GUBERNAMENTAL DI ARUBA
Pa medio di decreto ministerial di 9 di augustus 2022 a introduci e rol di VPI na gobierno di Aruba. Despues di un proceso di seleccion minucioso realisa pa BIA, a capacita y certifica seis trahado di gobierno como VPI.
IMPLEMENTACION DI VPI DEN APARATO GUBERNAMENTAL DI ARUBA
Lo pone e VPInan na disposicion di empleado publico den fase. Actualmente solamente trahadornan cu ta traha na e departamentonan cu ta participa na e proyecto piloto di BIA ‘Versterken Integriteit Overheidsdiensten (VIO)’, por haci uzo di un VPI. Cu tempo lo pone e VPInan gradualmente na disposicion di empleado publico di demas departamento di gobierno.
POOL DI VPI
E seis empleado publiconan cu a keda forma como VPI ta forma un pool bou guia di BIA. Na nomber di gobierno di Aruba, BIA a percura pa e curso di e VPI.
E seis VPInan ta eherce nan rol banda di nan tareanan regular na nan departamento y no ta ricibi ningun compensacion extra pa cumpli cu e rol/funcion di VPI. Den futuro por amplia e pool y por capacita mas empleado publico como VPI.
Wak e video aki tocante e VPI
Frequently asked questions
Pa preveni y limita kiebro di integridad mas tanto posibel, ta importante pa empleadonan di gobierno indica ora nan tin sospecho di esaki. Un trahado di gobierno cu ta haye confronta cu un sospecho di kiebro di integridad, por acudi cu esaki directamente cerca su hefe directo of su hefe di departamento. Pero den practica e por ta dificil pa papia libremente tocante di e topiconan aki, especialmente cu un hefe. E ta fastioso pasobra hopi biaha ta trata di un team chikito of ta topa cu otro pafo di trabou tambe. P’esey a dicidi di introduci e rol di VPI na gobierno di Aruba.
Trahadonan di gobierno di Aruba. Si bo ta traha pa un organisacion priva of semipublico lastimamente bo no ta bin na remarca pa un combersacion cu un VPI.
Gobierno di Aruba ta introduci VPI pa prome biaha. E introduccion ta tuma luga durante un proyecto piloto na cual dies departamento ta participa. Pa mas informacion klik aki. Actualmente solamente trahadornan di gobierno cu ta traha na e departamentonan ey, lo por haci uzo di un VPI. Cu tempo lo pone e VPInan gradualmente na disposicion di empleado publico di demas departamento di gobierno. E dies departamentonan cu ta participa na e proyecto piloto ta:
- Departamento di Infrastructura y Planificacion
- Departamento di Asunto Social
- Departamento di Impuesto
- Departamento Transporte Publico
- Departamento do Agricultura, Cria y Pesca (Santa Rosa)
- Departamento di Inmigracion Aruba
- Departamento di Enseñansa
- Inspeccion di Salud Aruba
- Departamento di Naturalesa y Medio Ambiente
- Secretariaat van bezwaarcommissie LAR
Riba e pagina “Personanan di Confiansa Integridad” ta indica e VPInan disponibel y nan datonan di contacto. Bo mes por acerca e VPI di bo escohencia pa un cita pa medio di un email.
No, un VPI no ta traha na BIA. Un VPI ta un empleado publico di gobierno di Aruba y ta ocupa un puesto na un otro departamento di gobierno. E empleado di gobierno ta realisa e funcion di VPI banda di su trabou regular. E VPI ta eherce su tarea na nomber di gobierno di Aruba pa tur empleado publico
Si, un VPI ta someti na secrecia profesional. Tur combersacion ta confidencial. Solamente den caso hopi excepcional un VPI por haye cu e mester kibra e secrecia profesional.
No, pero un VPI por yuda bo haci notificacion di sospecho di kiebro di integridad na e departemento concerni of na BIA.
No, lastimamente esey no por. E VPInan ta na disposicion di trahadornan di gobierno so.
Ta fastioso si bo no ta satisfecho cu e contacto cu e VPI. Nos ta spera cu bo a indica esaki cerca e VPI mes, pa asina hunto boso por a resolve esaki. Si esaki no a bay nan bo agrado, bo por tuma contacto cu BIA via di [email protected].
Contacto
