proyecto
Versterken Integriteit Overheidsdiensten
E proyecto Versterken Integriteit Overheidsdiensten (VIO) di BIA ta un proyecto specificamente pa reinforsa integridad di departamentonan di gobierno di Aruba.
Ken, kico, con y dicon? Akibou bo por haya e informacionnan di mas importante.
e proyecto
Bureau Integriteit Aruba (BIA) tin como meta promove y garantisa integridad den aparato gubernamental di Aruba. Pa logra e meta ey varios medida ta necesario, entre otro desaroya y/of implementa diferente instrumento pa integridad na e departamentonan di gobierno di Aruba.
e meta
Durante e proyecto VIO lo desaroya y implementa seis instrumento pa integridad pa e departamentonan di Pais Aruba. Cu esey lo promove y garantisa integridad na e departamentonan. E trayecto ta cuminsa cu e proyecto piloto VIO.
proyecto piloto
Proyecto piloto VIO ta un trayecto den cual BIA conhuntamente cu dies departamento gubernamental lo bay desaroya y/of implementa seis instrumento pa integridad na e departamentonan en cuestion.
Dicon proyecto piloto?
Gobierno di Aruba ta consisti di mas o menos 87 departamento gubernamental. E tamaño ta mucho grandi pa implementa seis instrumento pa integridad den un solo biaha na tur e departamentonan aki. Pa e motibo aki a escohe pa cuminsa cu un proyecto piloto na cual dies departamento gubernamental lo participa. Un proyecto piloto asina lo facilita BIA tambe cu informacion importante pa asina – si ta necesario – ahusta of adapta e rumbo prome cu bay over na implementa e instrumentonan pa integridad nan e demas departamentonan.
Instrumentonan pa integridad
Durante e proyecto piloto di VIO lo desaroya y/of implementa e siguiente seis instrumentonan pa integridad
Persona di confiansa integridad of vertrouwenspersoon integriteit (VPI) ta un punto di contacto confidencial y independiente na kende trahadonan di gobierno por dirigi nan mes si nan tin necesidad pa wordo scucha of mester conseho, sosten y/of guia tocante con pa anda cu nan sospecho di violacion di integridad y eventualmente meld esaki.
Trahado specialisa forma pa haci investigacion of pa guia of conseha tocante investigacion.
Analisis di problema cu por compromete integridad di e departamento y solucion pa por elimina of minimalisa e riesgonan.
Un suplemento na Gedragscode Integriteit voor Overheidsmedewerkers – GIO (Codigo di Conducta pa Integridad pa Empleado Publico).
Procedura cu ta indica con pa notifca presunto di violacion di integridad na e departamento mes.
Protocol cu ta haci posibel pa e departamento mes evalua notificacion di presunto di violacion di integridad y pa haci propio investigacion.
Departamentonan cu ta forma parti di e proyecto piloto
Bezwaarcommissie LAR
- Departamento di Impuesto (DIMP)
- Departamento Transporte Publico (DTP)
- Directie Infrastructuur en Planning (DIP)
- Directie Landbouw, Veeteelt en Visserij (DLVV)
- Directie Natuur en Milieu (DNM)
- Directie Onderwijs (DO)
- Directie Sociale Zaken (DSZ)
- Inmigracion Aruba (IA)
- Inspectie voor Volksgezondheid Aruba (IVA)